Himmelspötzje

Text:    Klaus Radek

Musik:  Klaus Radek / Karl-Heinz Greuel

Wer weeß em Levve schon, wat sich em Himmel deit

Ob mir dat janze do als Engelche jefällt

Evver irjendwann, do sin mer all ens dran

Un dann weede mer schon sehn, wie et wiggerjeht

Dä Herrjott setz em Himmel, lät ons he janz alleen

Hä säht: „Maht keene Blödsinn, denn ich kann üsch all sehn.

Un wer sich nit benemme kann, dä los ich jarnit ren“

Un dobei hätt ich mich su jän als Engelche jesehn

Wer weeß em Levve schon......

Dä Dud jehööt zum Levve, dat wor scho emmer su

Doch los ons noch jet onger, mer sin doch he janz fruh

Un wenn de meens, et wör suwick, dann sähs de ons bescheid

Dann erfahre mir noch fröh jenoch, wat sich bei dir su deht

Wer weeß em Levve schon .........

Sen mir och he onger keen Engele op d´r Ääd

Mer kann sich jo noch ändere, dofür es et nie zo spät

Wer weeß em Levve schon .....